Share this

နေပြည်တော် အမျိုးသားလွှတ်တော်ရုံးသို့ အမျိုးသားလွှတ်တော်ကိုယ်စားလှယ်များ သတင်းပို့ကြရန် ပန်ကြားခြင်း

01/07/2021 - 09:14
သတင်းနှင့် ပြန်ကြားရေး
အမိန့်ကြော်ငြာစာများ

တတိယအကြိမ် အမျိုးသားလွှတ်တော် ပထမပုံမှန်အစည်းအဝေးကို နေပြည်တော်ရှိ  အမျိုးသားလွှတ်တော်အစည်းအဝေးခန်းမ၌ ၂၀၂၁ ခုနှစ်၊ ဖေဖော်ဝါရီလ ( ၁ )ရက်၊ တနင်္လာနေ့ နံနက် (၁၀)နာရီအချိန်တွင် စတင်ကျင်းပရန် အမျိုးသားလွှတ်တော် ဥက္ကဋ္ဌက ခေါ်ယူထားရာ အဆိုပါ အစည်းအဝေးသို့ တက်ရောက်ရန် ဖိတ်စာများကို အမျိုးသားလွှတ်တော်ကိုယ်စားလှယ်များ ထံသို့ ပေးပို့ထားပါသည်။

အမျိုးသားလွှတ်တော်ကိုယ်စားလှယ်များသည် ကျန်းမာရေးနှင့် အားကစားဝန်ကြီးဌာနမှ ကျန်းမာရေးစစ်ဆေးမှုများ ပြုလုပ်ရန်ဖြစ်ပါသဖြင့် ၂၀၂၁ ခုနှစ်၊ ဇန်နဝါရီလ (၂၃) ရက်နှင့် (၂၄) ရက်များတွင် နေပြည်တော်သို့  ကြိုတင် ရောက်ရှိရမည်ဖြစ်ပါသည်။

ထိုအစည်းအဝေးအတွက် လိုအပ်သည့်ပြင်ဆင်မှုများ ပြုလုပ်နိုင်ရန် အမျိုးသားလွှတ်တော် ကိုယ်စားလှယ်များသည် အစည်းအဝေးဖိတ်စာ လက်ခံရရှိသည်ဖြစ်စေ၊ မရရှိသည်ဖြစ်စေ နေပြည်တော်ရှိ အမျိုးသားလွှတ်တော်ရေးရာဆောင် I –19 (အိုင် - ၁၉)သို့ ၂၀၂၁ ခုနှစ်၊ ဇန်နဝါရီလ( ၃၀ )ရက်ထက်မစော ( ၃၁ )ရက်ထက် နောက်မကျစေဘဲ သတင်းပို့ကြရန်နှင့်  နိုင်ငံသားစိစစ်ရေးကတ်ပြား ယူဆောင်လာကြရန် ပန်ကြားအပ်ပါသည်။

3MPs Report(1 st)..pdf